Iñigo Urkullu: Alderdi batek baino gehiagok interesa eukiko dabe mahaiaren sorrerea atzeratzeko Iñigo Urkullu EAJ/PNVko BBBko lehendakariak atzo, Galdakaoko alderdikideei emondako berbaldian, adierazo eban “alderdi bat baino gehiago egongo dala, Alderdi Popularra ez eze, herri honetan normalkuntza politikoaren arazoa konpontzeko alderdi-mahaia osatzea atzeratu gurako dauana”. Urkulluren ustez, mahai horrek guztiok behartuko gaitu jesarri eta akordioak lortzera. Uste dot herri honetako sentsibilidade politiko batzuk, gaur alkarrizketea eta negoziazinoa sutsu defenditzen dabenak, abertzale zein ez, ez daukiela ezelako asmorik egoera horretara ailegatzeko. Ez ninduke harrituko, beraz, zeozelango akordioa egingo balebe euren artean, mahaiaren sorrerea atzeratzeko”. BBBko lehendakariak adierazo eban Rodríguez Zapaterok ederto dakiela EAJ/PNVrentzat autodeterminazio eskubidea (hau da, erabagitzeko eskubidea) ukaezina dana.