EUSKARAREN ERABILERAREN SUSTAPENA ETA NORMALIZAZIOAREN UDAL ARAUTEGIA AZTERTZEKO ETA EGITEKO MOZIOA AURKEZTEN DU EUSKO ABERTZALEAK EAJ-PNV / EA KOALIZIOAK ARRAZOI-AZALPENA Joan den Abenduaren 29an, Eusko Ikaskuntzak Euskararen Nazioarteko Eguna dela eta egindako adierazpenarekin bat egin zuen Udalbatza honek. Adierazpen horren edukia honako hau zen funtsean: “1. - Euskara, ustez Europako Hizkuntzarik Zaharrena, nazioarteko kultura ondarearen zati bat da. 2. - Europar hizkuntza den euskarak toki, lurralde, nazio eta europar erakundeen ezinbesteko laguntza behar du, gaur eguneko hizkuntza gisa garatu ahal izateko legeria aproposa sortuz. 3. - Europar Batasuneko hizkuntza ofiziala izendatu behar da euskara, Batasuneko Estatuetako gainerako hizkuntzekin batera. 4. - Aitorpen honen aldeko nazioarteko komunitatearen atxikimendu indibidual zein kolektiboak aipatutako helburuak ahalbidetuko ditu.” Bestaldetik, 10/1982 Euskararen Erabileraren Normalizaziorako Oinarrizko Legearen arabera, euskera eta gaztelania dira Euskadiko Autonomia Elkarteko hizkuntza ofizalak eta bertako hiritar guztiek bi hizkuntzak ezagutzeko eta ahoz zein idatziz erabiltzeko eskubidea daukate. Bestaldetik, hizkuntza dela eta inor ez dadin diskriminatua izan, lege orokorrek Euskadiko Autonomia Elkarteko botere publikoei, beren eskumenen arloan, bi hizkuntza ofizialen erabilera bermatzeko eta arautzeko ahalmena ematen die eta, baita ere, ezagutza eta normalizazioa sustatzeko behar diren neurriak ezartzeko. Beraz, legeria orokorra oinarritzat hartuta, hiritarren eskubide linguistikoak bermatzeko eta egoera linguistiko normalizatu baterantz egiteko asmo sendoaz, Portugaleteko Udalbatzak hurrengo hau ERABAKITZEN DU: XEDAPENAK 1.- Euskararen Sustapen eta Normalizaziorako Udal Araudia egin, non ezartzen diren toki administrazio honek hizkuntz-erabilera normalizatzeko jarraitu behar dituen arauak barne funtzionamenduan, zein hiritarrekiko edota beste instituzio eta erakundeekiko harremanetan, zein udaleko gizarte bizitzan ere. 2.- Horretarako, 7/1985 Apirilaren 2ko Tokiko Araubide Oinarrien Legearen 20. artikulua eta Antolakuntza eta Jarduera-Araudiaren 124.3 artikuluen arabera, Euskararen Normalizazio Informazio Batzorde Berezia sortzea erabakitzen da, bere osaketa beste batzordeen bestekoa izango dena eta hamabost egunez behin batzrtuko dena goian aipatutako araudia lantzeko xedeaz. Portugaletne 2006.ko Otsailaren 8an Eusko Abertzaleak – Nacionalistas Vascos Portugaleteko EAJ-PNV / EA Javier Miranda Garate EAJ-PNV / EA Koalizioaren Bozeramailea NAN 16.033.608