Bizkaia Irratiari egindako adierazpenetan, Urkulluk berretsi du “baketze prozesua dena” eta “normalizazio politikorako prozesua” etengabe nahastea arbuiatzen duela. Eta, era berean, “baketze prozesu batean, ETAri eta Espainiako Gobernuari bakar-bakarrik eragiten dien prozesua gauzatu ahal izateko une honetan fede onez eta itxaropenez esan daitezkeen inplizituetan konfiantza izan behar badugu ere, argi eta garbi utzi behar dugu normalizazio politikorako prozesu batean, nahiz eta baketze prozesu batekin lotura izan, indar politikoei dagokiela protagonismoa”.

Buru jelkidea konbentzituta dago, prozesuaren egungo egoeran, Europako Parlamentuaren babes objektiboaren ostean eta nazioarteko beste hainbat agintarik egin bide beretik jo ondoren, “ez dagoela atzera egiterik”. Urkulluk adierazi duenez, “pentsaezina, imajinaezina egiten zait inork atzera egiteko asmorik izatea”.