Urkulluren esanetan, Hirukoaren koalizio hitzarmenak konpromiso politikoak eta oinarri programatikoak ditu, eta konpromiso politikoetan printzipio komunak ditu alderdi politikoen artean. “Bazterketarik gabeko elkarrizketa politikoaren aldeko konpromiso politikoa dago normalizazioa eta elkar ulertzea sustatuko dituen akordiorako”.

“Guk, EAJk, Elkarbizitzarako Bake Bidea akordioan erabaki genuen moduan, herritarrei hitza emateko garaian, ez dugu inolako beto eskubiderik onartzen herritarrek demokratikoki adierazi ezin izateko; izan ere, beti sinetsi izan dugu eskakizun politiko eta demokratiko horretan. Alde horretatik, berriz diogu, hirukoa osatzen dugun hiru alderdi politikoon alde komuna zera da: alderdien arteko elkarrizketaren eta negoziazioaren bidez bake bila gabiltzala, baina, batez ere, akordioa lortzen saiatzea normalizazio eta bizikidetza politikorako. Eta hori Hirukoaren koalizio akordioaren beraren konpromisoa da, bai eta Lehendakariarena berarena ere. Ez dago inolako berrikuntzarik, politikaren esparrutik kanpoko norbaiten, hau da, ETAren, asmoen aurrean gauzak ondo prestatzea besterik”, gaineratu du buruzagi jeltzaleak.