Urkulluk adierazi du ez duela ulertzen kutxen fusio prozesuan “geldialdiak” izatea, “interes politikoak egoteagatik”. Buruzagi jeltzaleak adierazi du bere alderdiak “kontu handia” izan duela gai horren alorrean adierazpenak egiterakoan. Horrela, fusioaren “komenigarritasuna” azpimarratu du “euskal gizartearen garapen sozioekonomikoaren komenigarritasunerako” parametroetatik abiatuz eta “planteamendu politikoak direnak alde batera uzten” saiatuz.

"Planteamendu politikoak batzuk izan daitezke gaur, eta beste batzuk bihar, ditugun indarren korrelazioaren arabera, eta hemen jorratzen ari dena euskal gizartearen bultzada da. Erakunde finantzarioen euren eta erakunde eta antolaketa sozioekonomikoen adierazpenak ere egon dira, hiru erakundeen arteko ekintza estrategiko bateratua izan behar duenaren alde agertuz”, jakinarazi du.