Bizkaia Irratiak egin dion elkarrizketan Urkulluk adierazi duenaren arabera, ETAren “inposaketak” eragiten duen “zurrunbiloak” baldintzatzen du egungo politika, eta argi dago zein den PSOEren eta PPren jarrera, “hauteskunde orokorrei begira baitaude, eta gure ekimen politikoa dela eta, orain duten estatu-eredua pikutara baitoakie”.

Ildo horri jarraiki, hurrengo hauteskunde orokorrei begira PSOEren eta PPren artean gertatuko den “polarizazioa” kontuan hartuta, buruzagi jeltzaleak esan du Euzko Alderdi Jeltzaleak Euskadin gatazka egon badagoela planteatuko duela, eta gatazka hori “politikoa dela” eta horri irtenbidea eman behar zaiola, beti ere “borondate politikoaren bidez”.