”Vaniente Ziarrusta” izeneko hitzaldian, Irigorasek azpimarratu zuen “ohore handia” zela eta eskerrak eman zizkien alkategai aukeratzeko berarengan konfiantza izan duten alderdiko kideei, “2007an boto gehien jaso zituen zerrenda gurea izatea” egin zuten hautesleei, eta, nola ez, Juan José Ziarrustari. Elkarrekin lanean eman zituzten zortzi urteak ekarri zituen gogora eta “ausarta, langilea, prestua eta abertzalea” zela adierazi zuen.

Azken egunotan garbi utzi duen moduan, Zuzenbidean doktorea den eta alabatxoa duen 34 urteko emakume honek, Ziarrustaren lanari “indar eta kemenez” jarraituko dio. Gainerako alderdi politikoei eskua luzatu aurretik, eta negoziatzeko beharraz jabetuta, Deustuko Unibertsitateko irakaslea denak adierazi zuen etxebizitzak sortzearen eta herritarren parte-hartzea, berdintasuna, kultura, hezkuntza, etab. sustatzearen alde egingo zuela; laburbilduz, "durangarren bizi kalitatea hobetzearen alde".