Hala egin dio Ortuzarrek erreferentzia Zapatero presidenteak Donostiara egindako bisitaldiari. «Zapatero etorri zen lehendakari nor izango den esatera, hurrengo gobernua nolakoa izango den adieraztera eta hemengoei jakinaraztera hemengo kontuak hemen erabakiko direla, lan guztiak ipinita etorri bazen ere», baieztatu zuen Ortuzarrek.
Ortuzarren ustez, hori ez da Euskal Autonomia Erkidegoak behar duena. «EAEk autogobernua, autonomia eta euskal herritarrek hemengo etorkizuna hemen erabakitzea behar ditu.»
Hori dela eta, lehendakari izateko hautagairik onena Euskadiren interesak bakarrik defendatuko dituena izango dela esan du. «Eta hori Juan Jose Ibarretxek ordezkatzen du, berak betetzen baititu ondoen balore horiek.»