"Egonkortasun instituzionala gobernu indartsuarekin eta gainerako erakundeen laguntasun sendoekin. Bai Madrilen, bai hemen ere" gaineratu du buruzagi abertzaleak. .

Ortuzarren ustez, "bigarren aukera, jaurlaritza ahula da,aldaketa aitzakia delarik. Kanporatzea bilatzen duen aukera da, Fuenteovejunako ituna, aurkarien indarra biltzen duena, Estatuan etsaiak direnen indarrak biltzen duena EAJ Eusko Jaurlaritzatik ateratzeko. "A por ellos" gobernua izango da hori".

"Horrek esan nahi du egun bakar batez bilduko direla eta gero 1460 egunetan , gobernua babesik gabe egongo dela. 75 (hirurogeita hamabost) legebiltzarkidetik 25 (hogeita bost)  herri honen arazoak konpontzeko. Guztiz ezgaia izango den gobernua, mendekurako duen gogoa  legegintzaldi osoan eramango duen gobernua, berez erori arte edo lehen unean lehendakaritzara eraman duten indarrek bultzatuta desegin arte" azaldu du.

"Eta hirugarren apustua. Birkonkistaren gobernua".

BBBren lehendakariak berrazpimarratu duenez, "hiru aukera dira beraz. Lehenengoa da, Euzko Alderdi Jeltzaleak bultzatzen duen aukera, oinarri zabala izango duen gobernua krisitik irteteko, sistemari egonkortasuna emateko eta aniztasun garai berriari hasiera emateko aukera".

"Eta, beste aukera biak izango dira, PP eta PSEren eskutik, mendekurako, ahultasunerako eta frontismora eramango gaituzten aukerak".