Ortuzarren iritziz, PSEren arduradunek "euren hitza jan dute", zeren eta esan baitzuten inoiz ere ez zutela PPrekin itunik egingo, "eta hauteskundeak gertatu eta 48 ordura ituna negoziatzen ari ziren popularrekin". "Gauza bat da gustukoa ez izatea, eta beste bat, berriz, hori guztia egia izatea", gaineratu du buruzagi jeltzaleak.

"Baldin inor badago jokabide zeharo demokratikoa izan duena, baldin inor badago ekintza politikoaren arloak beste gauza batzuekin inoiz ere nahastu ez dituena, hori Euzko Alderdi Jeltzalea izan da, hots, geu izan gara. Horregatik jasan behar izan dugu ETAren eta haren ingurune osoaren erasoa ere", ohartarazi du Ortuzarrek.