Radio Nacional irratiari eskainitako elkarrizketan esan du ez dela erreza Gobernutik oposiziora  igarotzeko bidea. Gaineratu du, une honetan zain daudela Exekutibo berria ibiltzen hasi arte . Euskal politikagintzak hartuko duen bidea aztertuko dute eta  egin beharreko " oposizio lana " ezarriko dute.

Buruzagi abertzaleak adierazi du orain arte PP eta PSE alderdiek gehiago erakutsi dutela  EAJ/PNV " boteretik kanporatzeko borondatea " Euskadin garatuko dituzten politikak iragartzeko baino. " Ezartzen dituztenean jakingo dugu zein nolako oposizioa egin behar dugun ; edozein kasutan, beti izango da arduratsua, eraikitzekoa eta Euskadiren aldekoa " baieztatu du.