Proposamen honek, EAJ-PNVk 2008 urtean planteatu zuen proposamenaren ildo bera jarraitzen du. Jakina denez, 2008 urtean Lope de Vega ikastetxearen eraisketaz baliatzeko, txandakako aparkalekuetarako zoru azpiko parking-a egitea proposatu zuen EAJ-PNVk, une honetan eraikitzeko prozesuan dagoen egitasmoa hain zuzen.

Udal Taldeak aditzera eman duenez "Pozokoetxeko trenbide esparruan egin daitekeen  jarduera honen bidez,orain Benta, Pozokoetxe, Uribarri eta Arizgoiti auzoetan dagoen aparkaleku eskariari  erantzuna emango litzaioke. Konponbide hau behin behinekoa izango litzateke Bilbao Ria 2000 erakundeak aurreikusten duen hirigintza egitasmoa gauzatu arte".

Oraingo trenbide gunean  erabili gabeko 3000 mila koadroko lurzorua dago eta honetan egokitu ahal liteke 160tik 200era bitarteko  aparkalekutarako tokia. Aparkaleku hau trenbide gune aktibotik isola daiteke gune bien arteko segurtasuna eta mugaketa mantentzeko hesiaren bidez. Halaber, Nafarroa kalean ere erabiltzen ez den atea dago eta behin zabalik egon ezkero, aparkalekurako sarbidea izan liteke. Halaber, aparkalekurako oinezkoentzako sarbidea ere egin daiteke Merkatuko Enparantzatik bertatik.