"Ziurtasuna,  ekimen bidezko buruzagitza eta denekin hitz egiteko eskua luzatzea. Azken finean, bultzada politiko berria. Galbraithek idatzi zuen moduan, "ez baduzu etorkizunean pentsatzen, ez duzu etorkizunik izango". Pentsa dezagun eta apustua egin dezagun etorkizunaren alde. Euskadik irtenbidea behar du, gainditzeko eta integratzeko irtenbidea. Irtenbide hori bilatzea eta topatzea da alderdi politiko gisa dugun konpromisoa" azpimarratu du.

BBBren buruaren ustez "EAJ, mende batean izan da euskal gizartearen funtsezko alderdia; hau ez du esaten handikeria erakusteko, ardura baizik. Iparramerikarren hitzak erabilita, founding party izan gara. Eta, hori izaten jarraitu nahi dugu. Ideia, ardura eta ekimena biltzen dituen ondarea islatu behar dugu. Oraingo eta etorkizunerako erronkak ez dira txikiagoak, ezberdinak baino ez dira. Egin dugun bidea kontuan hartuta, guk erantzuna eman ahal diegu, izan gaitezen baikorrak"