Bilbon izan den prentsa aurrekoan Atelak aurkeztu den ekimenaren bidez Eusko Jaurlaritzari eskatzen zaio albait arinen Osasun eta Politika Ministerioko Ume eta Familia gaietarako autonomien arteko Batzordean aurkez dezala "Espainiar Estatu barruan dauden lagundu gabeko atzerritar adingabeen egoerari irtenbidea emateko proposamena".

Jeltzaleek eskatu duten proposamenarekin bilatzen da "adingabeak autonomi erkidegoetako adingabeen babeserako zerbitzuen eskuetan jar daitezen eta erkidegoan hartu beharreko gazteen kopurua bertako hiritar kopuruaren araberakoa izan dadin, eta beharrezko bada, adostuko diren bestelako parametroen arabera; adingabeei arreta emateko orduan, gizarte zerbitzuek izan dezaten adingabeei hezkuntza eta prestakuntza emateko aukera eta adin heldutasunera heltzen direnean gizartean barneratzea ahalbidetzeko tresnak eman ahal izateko".