Xabier Legarreta alkate jeltzaleak goi arduradunei adierazi die bere esker ona Bermeo herria halako zentroa martxan jartzeko aukeratu izan dutelako. Halaber, egoitza kudeatuko duen enpresarekiko hitzarmena izenpetu dela iragarri du, sortuko diren lanpostuak Bermeko langileek har ditzaten.

Egoitzalai egoitzak 62 erresidentzi plaza eskaintzen ditu eta bertan ematen dira osasun zerbitzuak, erizaina, fisioterapia, errehabilitazioa, aholkularitza psikosoziala, okupazio terapia, animazioa, oinarrizko arreta pertsonala, sukalde zerbitzua, jantokia, garbiketa eta ikuzketa, mantenua eta bestelakoak. Horiekin guztiekin batera erabiltzailearen araberako zerbitzuak ere eskaintzen ditu, besteak beste jantokia, osasun kontsultetara joateko laguntasuna, podologia , ile apaindegia eta estetika.