Proposamen honen bidez udaleko hainbat gizarte sektorerekin lan egingo da. Ildo horretatik udaleko ikastetxeetako hezitzaileekin batera lan egingo da; gurasoekin, tailer egokituak emanaz eta Gizonduz erakundeak eskainiko duen hitzaldia; udaltzaingoa eta udal langileriarekin, sentsibilizazio hitzaldien bidea eta " Gizonak, berdintasuna eta gizontasun berriak" izenburuko tailerrarekin. 

Oraingo honetan, eta ildo beretik, Santurtzi Berdinguneak eragile ezberdinek osatutako sarea sortuko du ahalik eta gizarte indar gehienak bateratze aldera emakume eta gizonen arteko berdintasunaren alde: Horretarako "Santurtzi herriak badu gizarte sarea egiteko hazi garrantzitsua" azpimarratu du Ituartek. Alde batetik hitzaldi eta tailerrak egingo dira hainbat talderekin eta maiatzean egingo diren jardunaldiekin hitzaldi eta tailerrez osatutako aldi honi amaiera emango zaio.