Halaber, Udalak lortu izan du Urduña udalerriak estatuko Gobernuak ekaitzak eragindako kalteak jasan dituzten udalerrientzat aurreikusi dituen diru laguntasunak jasotzea. Osotara, 468 milioi euro erabiliko dira kaltetuak izan diren udalerri guztien artean.

Urduñako Udalak martxoaren 1ean informazio bulegoa ireki zuen hiria kaltetu zuten haize bolada gogorrek eragindako kalteak jasan dituzten auzolagunei informazioa emateko. Izan diren kalteen gaineko datuak bilduta, Udalak kalkulatu du 859.000 eurokoa izango dela Urduña herrian eragindakoa. 157.570 euro dira udal ondasun eta eraikinetan izandakoa eta 738.409 euroko kopurua da norbanakoen ondasun eta eraikinetan kaltetutakoa.