Axier Garate bozeramaile jeltzalearen esanetan, José Luis Navarrok herriko Nagusien Egoitza osasun zentroaren ondoko tokitik kendu zuen Osakidetzak bere zerbitzua zabaltzerik izan zezan "eta Hirigintza Batzordeak esan digu Osakidetzak ez duela zentroa handituko dirurik ez dagoelako". EAJ-PNVren ordezkariek salatu dute zentroa lekuz aldatzea ez zela beharrezkoa "iaz ere egokitzapen lanak egin zirelako eta 18.000 euro gastatu zirelako. Eta orain 350.000 euro xahutu dute egoitza berria Traña-Matiena eskola zaharrean egokitzeko".