2010/04/23

Josune Ariztondo Urdaibaiko Guggenheimaren inguruan hitzaldi bat eman zuen atzo Gernika-Lumoko batzokian

Josune Ariztondo, Bizkaiko Foru Aldundiko Kultura diputatuak, Urdaibaiko Guggenheimaren inguruan hitzaldi bat eman zuen atzo Gernika-Lumoko batzokian. Ariztondok proiektua nondik eta noiztik datorren eta gaur egun nola dagoen azaltzeko hurbildu zen herrira. Ariztondoren esanetan, Urdaibaiko ekonomia berpizteko egindako proiektua da beste gauza batzuen artean, lana eta aberastasuna sortuko duelarik. Proiektua desberdina da. "Berria. Artea, kultura eta natura batera agertuko dituena".