Komunikaziorako tresna informatiko honek liburutegiak une bakoitzean eskaintzen dituen liburu eta ikus-entzunezko materialak ezagutzeko parada emango du. Produktu berriak eskaintzea herriko liburutegiaren eguneroko erronka dela kontuan harturik, une honetan liburutegian bertan galdetuta edo begiratuta informazio hori jasotzen duten pertsonek eskertu egingo dute edozein ordenadoretik (etxean, lanean)  gai berrien gaineko informazioa eskura izateko aukera. Helburu horrekin ireki da www.lezamakoliburutegia.blogspot.com izeneko blog-a. Gauzak horrela, liburutegiko komunikazioa modernizatzeko ekimen honen bidez, udal zerbitzu honek eskaintzen dituen baliabideen kudeatze lana hobetuko du eta ondorioz hobea ere izango da bertaratzen diren pertsonekiko tratua.

Interneten dagoen liburutegiak izenburu berrien inguruko informazioa emango du, iradokizunak eskainiko ditu eta udal ikastaroen eta umeen artean irakurzaletasuna bultzatzeko egitasmoaren inguruko informazioa emango du.