"Patxi Lópezen zoritzarrerako Espainiako Erreinuaren buruzagitzan sakoneko erabakirik hartzen ez duen Gobernua dago", azpimarratu du Azkunak. "Rajoirekin hainbesteko iskanbila izan ostean, kutxen inguruko erabakia hartu dute. Erabakiak hartu behar dira kutxen inguruan, bankuen inguruan, lan egituraren gainean eta Estatuaren eta Gobernuaren inguruan ere, hainbat gauza aztertu behar dira". Bere ustetan, "Espainiak sinesgarritasun arazo handia du une honetan, eta atzokoan islatu zen zor egoeran"; gaineratu duenez, "Espainian zorra erosi zen baina normala dena baino salneurri handiago batean".

Bilboko alkatearen iritziz, EAJ-PNVk urte betean "oposizioa egiten ikasi du". Iñaki Azkunaren ustetan, bakearen inguruan eta zehatzago esanda Bizikidetza Egitasmoaren gainean, "EAJ-PNV akordio batera iritsi beharko da PSOE alderdiarekin, PSOE alderdia bera adostasunetara iristeko borondatea erakusten baldin badu".