"Saria lau zutabetan oinarritzen da: bizitzeko modua, indarra, jasangarritasuna eta bizitza kalitatea, hau da , edozein hiriren arrakastarako funtsezkoak direnak. Bilbao hiriak erakutsi egin du horiek ezaugarri guztiak dituela eta aro industrialaren osteko eraldatze prozesu bikaina bizi izan duela. Saria eskuratzeko taldean zeuden parte hartzaileek grabatu zuten bideoan Iñaki Azkuna Bilboko alkateak adierazten zuenez "nire herriarentzat, sari hau irabaztea oso garrantzitsua da; benetako ohorea da guretzat eta espero dugu Bilbo beste hiri batzuen inspirazioa izatea".

Mundu osoko 78 hiri izan dira Lee Kuan Yew World City Prize saria jasotzeko lehen edizio honetan. Gaur helduko da Bilbora planifikatze zuzendaria eta epaimahaiko kidea. Azkunarekin batera, prentsa aurrekoa eskainiko dute sariaren ezaugarriak ezagutzera emateko.

Lee Kuan Yew Gobernuko ministro laguntzaileak Azkunari emango dio   Singapurreko 300.000 dolarreko saria (216.367 dolar edo 174.145 euro), ekainaren 29an Estatu hiri horretan bertan ospatuko den ekitaldian. Ospakizun berean, Melbourne (Australia), Curitiba (Brasil) eta Nueva Delhi hiriek jasoko dute aipamen berezia.