San Antonio Parkea berdegune berria baino zerbait gehiago da. Udalaren asmoa izan da inguru horretan aisialdirako eremu handi bat sortzea, "hondartza berde" gisa. Gauzak honela, parke berriak lau zati desberdin eskainiko dizkie bilbotarrei eguzkia har dezaten eta udako hilabeteetan ezarriko diren dutxetan freskatu nahi dutenentzat, bero-egunak atseginagoak izan daitezen.

1.150 metro kuadroko lau zati edo zonalde hauetako bat parkeko goiko aldean kokatzen da; bigarren zonaldea lakuaren ondoan da eta euri-ura biltzeko aukera ematen du; hirugarrena, Iturrigorrin Eusko Jarularitzak eraikitako etxeen atzeko aldean dagoen frontoiaren alboan kokatutakoa eta, azken zonaldea, laugarrena, ilargi erdia osatzen duten etxeen atzeko aldean dago.

Proiektu berritzailea aurrera eramateko kontuan izan dira bizilagunek hirian birika berria izateko egindako iradokizunak.