Proiektuaren helburua honako hau da: gaur egun errepidea kokatuta dagoen hegalean -batez ere euria egiten duenean- gertatu ohi diren lur-jausien ondorioak ekiditea.   

Saihesbidearen enborraren trazadura San Pelaio auzoan hasten da, izen bereko ermitan. Hasieran, BI-3010 errepidearen luzapena da trazadura; ondoren, lehenengo gurutzagune dago, saihesbidea eta ordeztuko duen errepide-zatia elkartzen dituena. 

Puntu horretan, errepidea ekialderantz doa; han, hasierako errepidearekiko nahiko paralelo den trazadura bat egingo du bideak, ezegonkorrak diren lekuak ekiditeko. 

Azkenik, bideak berriro bat egiten du hasierako errepidearekin, "Gas Bermeo" estazioaren inguruan. Puntu horretan, beste gurutzagune bat egongo da, gaur egun Gaztelugatxera eta inguru horretan iparraldean dauden atsedenleku batzuetara daraman errepidearekin bat egiteko.