Jeltzalearen ustetan, EAren eta Aralarren "zikoizkeriak" NaBairen  "poltsa urratu ahal duela" eta iragarri du  "betoker" geratuko direla ezker abertzaleari "betertzez" hainbeste begiratzeaz. BBBren lehendakariak berba hauek erabili izan ditu datorren igandean Eusko Alkartasunak eta ezker abertzaleak  Euskalduna Jauregian egingo duten ekitaldiaren inguruan hitz egiteko. Bere hitzetan "prozesu honetan guztian, marketing gehiegi eta eduki eskasa dago".

Ekitaldian gauza berririk izango ote den espekulatzen hasi gabe, gaineratu du talde hauek "osoko eskubidea dutela nahi duten ekimen politiko eta hauteskunde politika egiteko". Zentzu honetan azaldu du EAJ-PNVk  "arretaz begiratuko duela igandean gertatzen dena, prozesu politiko ororekin egin ohi dugun moduan, gehiegizko garrantzia eman gabe baina garrantzia kendu gabe". "Gertatzen dena ikustean emango dugu gure iritzia", gaineratu du.