Ortuzarrek azaldu duenez, bere alderdiko adituak "hitzez hitz eta xehetasun osoz" aztertzen ari dira dekretu hau eta EBBK astelehenean egingo duten bileran egingo dute hausnarketa "osoko erabakia hartzeko". Halaber, erreformaren tramitazio bikoitzak, hau da, lehenengo lege dekretu gisa eta gero lege egitasmo gisa egiteak "lasaitasuna" ematen dio EAJ-PNVri. "Ez dugu atxikimendu hitzarmena egin behar, ez dago 'hartu ala utzi' egin beharrik aurreko erreformarekin gertatu zen bezala", iragarri du. 

Bestetik ere, bere alderdia eta PSOE arteko elkar ulertzearen inguruan esan duenez, "José Antonio Pastor PSE-EEren bozeramaileari ez zaio Zapateroren egoera arduratzen, bere obsesio bakarra da EAJk ez dezala ezer atera, ez dezala protagonismorik izan".