Biharkoan Museoaren Patronatuan izango den bilerari begira, Aburtok gogoratu duenez "Gugenheim museoaren egitasmoaren aurrean gaude, egitasmo estrategikoa den horren garapenaren aurrean; eta beraz, ez da Aldundiaren egitasmoa".

Aburtok azpimarratu duenez, Ideia Lehiaketa hau aurrera ateratzeko beharrezko aurrekontua Aldundiaren Aurrekontuan dago aurreikusita eta beraz "Eusko Jaurlaritzak ez luke eurorik jarri behar lehiaketa hau egiteko". Bere iritziz, "PP alderdiak Ideia Lehiaketaren aldeko jarrera adierazi ondoren egon badago ideia lehiaketa honek aurrera egiteko masa kritiko nahikoa". Bizkaiko Foru Aldundiaren bozeramaileak esan duenez, "egitasmoa ezagutu arte itxarongo dugu behin betiko erabakiak hartzeko".