Bilbaok Singapur hiriko Hirigintza Birmoldaketarako Agintaritzak (URA) eta Hiri Habitagarrien Zentroak (CLC) elkarrekin babesten duten nazioarte mailako sari hau jaso duelarik, ohorezko tokia du erakustokian, munduari bere transformazioa erakusteko. Lee Kuan Yew World City Prize-eko epaimahaiak adierazi dutenez  "osoko egitasmoa da etengabe eraldatzen eta garatzen den hiriarentzat".

Gaurko honetan, Bilboko alkateak Bilbo berriaren funtsezko esperientziak partekatu eta azalduko ditu Kishore Mahbubani irakasleak  16:30etatik aurrera eskainiko duen hitzaldian. Asteazkenean, hilak 30, Azkuna Singapurren  dauden hogeita hamar bat enpresarirekin izango den afarian izango da. Bertan animatuko ditu Bilbo eta Euskadiren izena zabaltzen jarrai dezaten.