Orain arte, entzun egin dira elkarte eta talde politikoen iritziak, baina EAJ-PNVk auzolagunen iritziak ere ezagutu nahi ditu "Udalari aurkeztu diogun erreguaren bidez eskatu egiten dugu Kultura sailak Jai Batzordearekin batera  egin dezala Barakaldoko hiritarren iritzia ezagutzeko inkesta. Euzko Alderdi Jeltzaleak eskatuko du galdetegi hau udal web gunean egon dadin eta  udal aldizkariaren hurrengo zenbakian ere eskain dadin".

Del Campok bere ahalegin guztia jeltzaleen bozeramaile lanetan jarduteari emango dio

Beste alde batetik, Amaia del Campok iragarri duenez CEDEMI Ezkerraldeko Enpresa Garapenerako Zentroko zuzendari gerente kargua uztea erabaki du  "ahalegin guztiak Udalean EAJ-PNVren bozeramaile karguan emateko" eta  hurrengo hauteskundeei begira "Barakaldorentzako egitasmo ilusioduna martxan jartzeko". Del Campo izango da berriz EAJ-PNVk alkatetzarako aurkeztuko duen hautagaia.