Bilbaoren esanetan datu batzuk antzeman dira berreskuratzea "hasia dela" adierazten dutenak, eta zehatzago esanda, jarduera ekonomikoaren inguruko datuak aipatu ditu, besteak beste esportazioak, industria produkzioa, turismoa eta lana. 

"Baikor nago, eutsi egiten dutenak baitira ondo irtengo diren bakarrak. Eta Bizkaia apurka-apurka itzuli da hazkunderako bidera. Lanak egin ditugu. Baliabideak baditugu oraingoa moduko egoera zailei aurre egiteko. Oinak zoruan jarrita genituen eta helburuak lehenetsi genituen. Behar besteko tresnak genituen uneari aurre egiteko. Eta funtsezkoa ere bagenuen, aurrera egiteko borondatea. Oztopoak gainditzeko borondatea. Borondatea etsipenak gure gainetik egin ez zezan", azpimarratu du.

Bilbaok azaldu duenez, Bizkaiko biztanleriak orokorrean "eutsi egin diola" eta "sufritzen, eusten eta bidea egiten" jakin izan duela. Ahaldun nagusiak gaineratu duenez batzuk "arazoen menpe" erori direla eta kasu hauetan solidariotasunak "bazterketa leuntzeko" elementu gisa funtzionatu izan duela.