Horrez gain, lehenengo zinegotziak adierazi du Bilboko Udalbatzak "Santutxu auzoko edukiontzien aurka bart egindako erasoa salatzen duela" eta "kalte larriak eragin dituztela, batez ere, ibilgailu pribatuei". Adierazi duenaren arabera, "nahita egindako ekintza horiek, herritarrak beldurtu eta arriskuan jartzeaz gain, Bilboko gizarteak bakean eta elkartasunean bizitzeko duen gogoari erasotzen diote".

Hori dela eta, eta azpimarratu duenez, "Bilboko Udalbatzak berriro ere indarkeria alboratzeko deialdi bat egin du; babesa eta solidaritatea adierazi die erasoak jasan dituzten pertsonei; eta bertan esku hartu duten larrialdi taldeei esker onak eman dizkie". "Pertsona horiek ez dute jai baketsurik nahi eta lehengoetara itzuli dira", azpimarratu du Azkunak, Udalbatzak horrelako ekintzak "erabat" salatzen dituztela nabarmentzeko.