"Zer espero du Latinamerikak Europarengandik eta zer espero du Europak Latinamerikarrengandik?", hauxe da  Bilboko Euskalduna Jauregian azken bi egunotan hogeita hamar bat aditu bildu dituen galdera. Jardunaldi hauek Sabino Arana Fundazioak eta Europar ALderdi Demokratak antolatu dute eta publikoarentzako ordu biko jardunaldia eskaini da EBBren buruak ireki duen mahai inguruaren bidez.

Urkulluk gaineratu duenez, "konbentzituta nago Latinamerika Europarentzako aliatu estrategikoa izan behar dela" eta "oraingo honetan europar eta latinamerikarroi dagokigu globalizazio ekonomikoaren erronketaz baliatzea gure harreman ekonomiko, sozial eta merkataritzakoak  sendotzea ahalbidetuko digun egonkortasun ildo hau indartuta". Amaitzeko, Latinamerikan eta Euskadin oraindik dauden bortxakeria arrastoen inguruko hausnarketa egin du eta ADOS ekimena ekarri du gogora; honen bidez, "EAJ-PNVk PEACE Euskadi egitasmo berria ahalbidetzea bilatzen du".

"ADOSek politikaren, demokraziaren eta herriaren subiranotasuna esan nahi du. Bortxakeria eta inposizio aldia garaitzea suposatzen du denon arteko eta denontzako bizikidetza aldiari atea irekiz". Urkullurentzat, ADOS "politikaren nagusitasuna" da. "Denbora eta zuhurtasuna eskaintzen dugu. Denbora eta ulermena eskatzen dugu. Iragan mendearen azken zatian, gure kontinenteko azken aurreko bortxazko gertakarian, Irlandan, Europar Batasunak PEACE egitasmoa jarri zuen abian bakeari laguntzeko xedez. Guk ere ADOS egitasmoaren bidez, PEACE Euskadi egitasmoa ahalbidetzea bilatzen dugu, iragan mendeko bortxakeriari behin betiko atea ixteko  eta politikari leihoak zabaltzeko, bakezko eta askatasunezko etorkizunaren markoan. ADOS denontzako aukera da, bakezko ituna Euskadirentzako bizikidetza politikorako markoan. Bortxakeria iragana  eta politika etorkizuna dela  egiaztatzea. Saiakerak merezi du", ezarri du jeltzaleen buruak.