Zahartze aktiborako planak sustatu nahi dituen jarduerak dira, Bizkaiko Foru Aldundiaren eskumenekoak izanik, pertsona guztiak modu aktiboan, ingurunearekin konprometituta eta gizarteko bizitzan bete-betean parte hartuz zahartzea ahalbidetzen dutenak.

Helburua pertsonek euren ongizate fisiko, sozial eta burukoaren potentziala bizitza guztian zehar erabiltzea da. Horrela, gizartean euren beharrizan, gogo eta gaitasunen arabera parte hartuko lukete, eta laguntza behar dutenean, babesa, segurtasuna eta arreta jaso.

Zahartze aktiboaren kontzeptuan sartzen diren jarduerak ez daude adinekoei bakarrik zuzenduta, pertsona guztiei baizik. Izan ere, zahartzeak gizakiaren bizitza ziklo guztiari eragiten dio.