Gueñesko Kontzejuko EAJ-PNVk Juan Andrés Iragorri izendatu du 2027ko udal hauteskundeetarako alkategai, Gueñes, Sodupe, La Quadra eta Zaramilloko udal erakundeen babesa jaso ondoren azken egunotan burututako barne prozesuan. Horrela, alderdi jeltzaleak egungo alkatearengan duen konfiantza berritu du, udalerrian hasitako proiektuari jarraipena emateko.

Iragorriren izendapenak bere lidergoaren inguruko adostasun zabala islatzen du, eta EAJ-PNVk hurbiltasunean, egonkortasunean eta Kontzejua osatzen duten hiriguneen garapen orekatuarekiko konpromisoan oinarritutako kudeaketa-ereduaren aldeko apustua indartzen du.

Alkatearen garaian, Juan Andrés Iragorrik herriko bizilagunen bizi-kalitatea hobetzeko hainbat jarduera bultzatu ditu, arreta berezia jarriz Gueñes, Sodupe, La Quadra eta Zaramilloren garapen eta modernizazioari. Horien artean, honako hauek nabarmentzen dira: irisgarritasuna hobetzea, espazio publiko eta haur-parke inklusibo berriak sortzea, kirol-azpiegiturak handitzea, argiztapena hobetzea eta udal-zerbitzuak indartzea.

EAJ-PNVk azpimarratu duenez, bere hautagaitzak “esperientzia, hurbiltasuna eta kudeatzeko gaitasuna” adierazten du, eta funtsezko elementuak dira azken urteotan egindako lana sendotzeko eta udalerri kohesionatu, moderno eta guztiontzako aukerak izango dituen eredu batean aurrera egiteko.

Pertsonak kudeaketaren erdigunean

Hurrengo agintaldiari begira, Iragorrik adierazi du helburua herritarren benetako beharrei erantzungo dien proiektu bat garatzen jarraitzea dela, zerbitzu publikoak indartuz, hiri-espazioak hobetuz eta hirigune guztietan hazkunde orekatuaren aldeko apustua eginez.

“Harro egoteko modukoa da EAJ-PNVren konfiantza berriro izatea proiektu honen buru izateko. Aro berri honi ilusioz, arduraz eta auzokide guztien alde eta guztientzat lanean jarraitzeko konpromisoarekin ekingo diot”, adierazi du.

Hautagai jeltzaleak elkarlanaren eta entzute aktiboaren garrantzia azpimarratu du udal kudeaketaren oinarri gisa. “Herri hau guztion artean eraikitzen dugu. Gure erronka da udalerri kohesionatu gisa aurrera egiten jarraitzea, auzoak zainduko dituena, aukerak sortuko dituena eta Bizkaian bizi-kalitatearen erreferente izaten jarraituko dueña”, jarraitu du.

Era berean, udalerri-eredu dinamiko eta jasangarri bat bultzatzen jarraitzeko borondatea azpimarratu du, “ibilbide-orri argi bat dugulako: gure zerbitzuak hobetzen jarraitzea, irisgarritasunean aurrera egitea, gure espazioak zaintzea eta bizikidetza indartzen jarraitzea. Etorkizunerako anbizioa duen Gueñes bat nahi dugu, nortasuna galdu gabe hazten jarraituko dueña”.

Profila

Juan Andrés Iragorri Ruizek (Sodupe, 1973) ibilbide profesional oparoa du enpresa-kudeaketaren arloan, eta 25 urte baino gehiagoko esperientzia du edariak eta elikagai-produktuak banatzen dituzten hainbat elkartek osatutako holding batean. Bizkaian, Gipuzkoan, Nafarroan, Kantabrian eta Burgosen dago. Erakundeen esparruan, Gueñesko alkate da 2020tik.

Hautagaiaren beraren hitzetan, “ilusio eta konpromiso berarekin jarraituko dugu lanean, Gueñes gero eta indartsuagoa, elkartuagoa eta etorkizuneko erronkei aurre egiteko prestatuagoa izan dadin, betiere hurbiltasunetik eta herritarrei entzunez”.