Bilbok munduko enpresa handienetariko 5.000 zuzendari baino gehiago hartuko ditu datorren urtean World Corporate Games edo enpresen arteko olinpiadak 2007. urteko uztailean Bilbon burutuko dira. Kirola, negozioa eta turismoa elkar bateratuko dira Bizkaiko hiriburuan eta "lau egunetan zehar Bilbo munduko enpresa-kirolaren hiriburu bilakatuko da". Maureen Jhonson "World Corporate Game"-aren lehendakariak adierazi duenez Bilbo, Mosku edo Paris bezalako hiriekin lehiatu ondoren, "munduko enpresen arteko kirol anitzeko jaialdirik handienari" ostatu emateko eskubideak irabazi ditu. Jhonson-ek gaineratu duenez, Bilbo aukeratu zen "egoera geografiko egokia" eta "aire, lur eta tren bidezko komunikabide ezin hobeak dituelako".