Santurtziko eta Portugaleteko Eusko Alderdi Jeltzaleak bere alkartasuna adierazo deutse kartzelan hil diran presoen familiei. Eusko Alderdi Jeltzaleak bere alkartasuna adierazoteko mozinoak aurkeztu ditu Portugalete eta Santurtziko udaletan; horrezaz ganera, euskal presoak Euskal Herrira hurreratzeko be eskatzen dau mozino horreetan. Azkenik, espetxe-politika malgua apliketako eskatzen deutso Madrilgo Gobernuari. 1.- Lehenengo eta behin, udalerriko familia honi gure dolua eta alkartasuna adierazo gura deutsegu, badakigulako heriotza honegaitik sufriduten dagozana. 2.- Heriotza guztiek kezkatzen gaitue. Kasu honetan, heriotza horren inguruabarrak dirala-eta, Eusko Alderdi Jeltzalearen, Eusko Alkartasunaren eta Ezker Batuaren udal taldeek heriotzearen kariak eta Herri Administrazino bati loturik dagozan instalazino batzuetan gertatu diran egitateak modu garbian ikertzeko eskatzen dabe. 3.- Arestion aitatu doguzan kariak dirala-eta, gure egiten doguz erakundeek, bai Jaurlaritzak, bai Eusko Legebiltzarrak, preso dagozan pertsonak hurreratzearen ganean egin dabezan adierazpenak, eta bai Diputatuen Kongresuak espetxe-politika malgua, dinamikoa eta adostua, gizartean askatasuna kendu jaken pertsonak bergizarteratzeko xedea daukana, eratzeari buruz egin dauzan adierazpenak be.