Urkulluk Erandion burutu den "Txorierri egunean" parte hartu du eta bertan adierazi duenez "hitzaurre eta sarrerak gainditzeko garaia da, baita euskal abertzaleoi urteetan esan digutenaren alde lan egiteko garaia, hau da, bortxakeriarik gabe dena posible dela frogatzeko garaia".

Buruzagi jeltzaleak azpimarratu duenez EAJk "Batasunaren eta Alderdi Sozialistaren" jarrera aldaketa txalotu egiten du. "Jokatzeko prest gaude, eta jokatzen ari gara, dagokigun paperarekin, gure herriari sor diogun leialtasunarekin". Ondoren gaineratu duenez, "hala ere, gauza bat da aurrera egin nahi izatea eta beste bat, Batasunak eta PSOEk demokrazi, giza eskubide eta leialtasun ikasgaiak guri eman nahi izatea".