Antena 3 telebista-kateari eskainitako elkarrizketan, Urkulluk adierazi du “ezin dela alde batera utzi” joan den astean zortzi kide abertzale Audientzia Nazionalera deitu zirela eta, “bertaratu aurretik, jendaurreko pronuntziamenduak egon zirela egoera oso larria zela ohartaratzeko".

"Nire ustez, PSE-EE alderdiak ere ikusi zuen beharrezkoa zela nork bere harri-koskorra ekartzea, Batasunaren inguruan gauzak lasaitzeko. Hori dela eta, bai gure ustez bai EAJ-PNVren ustez, PSE-EE eta Batasuna antzezten ari dira”, erantsi du.

Espainiako Estatuan “elkarrizketa madarikatu egiten dela” kexatu da, “elkarrizketa erabat beharrezkoa baita”. Ondoren, galdetu diote ea, bere ustez, azken egunotan arriskurik ba ote zegoen prozesua bukatutzat emateko. Halaber esan du bake-prozesuak “oso zailak , luzeak eta konplexuak izaten dira.”