Urkulluk garbi asko esan du Confebask-i sinesten diola, euskal enpresariek ETAren aldetik batere estortsio-gutunik jaso ez dutela segurtatzen dutenean. Baina, horrelakorik gertatuko balitz, EAJ-PNVk ez lukeela “inondik ere onartuko” zerga iraultzailea eskatuz agertu zitekeen “gutun bakar bat ere”.

Bestalde, EBBren bozeramaileak “bitxi samartzat” jo du ETAren bildu ahal izana, Batasunaren biltzerik ez omen dagoen bitartean. Zentzu honetan argitu du bere alderdiak ezker abertzalearekin biltzen jarraituko duela, “isilpeko” baina ez “ezkutuko” bileretan, bakegintza eta normalizazio politikoa areagotu ahal izateko “nahiz eta Grande Marlaska epaileak besterik esan”.