Catalunya Informacióri egindako adierazpenetan Urkulluk esan duenaren arabera, Batasunak berak “ondo daki zer egin behar den formulazio sendotua lortzeko”; gainera, adierazi du, haren legeztatzeak “eragina izango du aurtengo udazkenean eratzekoa den alderdien mahaian”.

Buruzagi jeltzaleak ukatu egin du Batasunaren hautua “epemugara ahalik gehiena hurbiltzea” denik, azken hauteskunde autonomikoetan bezala, zeren “PSOEk ez baitu indargabetuko alderdi politikoen legea”; hala ere, esan du balitekeela “legea aldatzea, onetsi zenetik egoera erabat aldatu baita”. Ildo honetatik, Urkulluk iradoki du legea “modu bigunean edo malgutasunarekin” interpreta daitekeela.