Buruzagi jeltzaleak, RNE irratia katean izan duen elkarrizketan, bere itxaropena azaldu du "ETAren inguruan sortu diren iskanbila hauek alde batera utzi eta Zapateroren exekutiboa eta talde armatuaren artean harremanak egon daitezen". Gaineratu duenez, "sozialistek aurrera pausu ausartak eman beharko lituzkete bake prozesuan aurrera egiten jarraitu ahal izateko, hots, kartzela politikan, adibidez, aurrera pausuak eman behar lituzkete".

Bestalde, Urkulluk gaineratu duenez, "guk berriz ere adierazi nahi dugu su etenaren aldeko apustua egitea eta bortxakeriarekin jarraitzea bateraezinak direla, hau da, bizi dugun egoera honetan kale borrokarekin jarraitzea ezinezkoa da".