EAJri “guztiz lekuz kanpo” iruditzen zaio EJEGren erabakia, alegia, “bi buruzagi politikoak epaitzeari ekitea eta Lehendakariaren auzi berean ezartzea”. Alderdi jeltzaleak adierazi du baita, “demokrazian, politikan aritzea estu-estu lotuta dagoela elkarrizketari, eztabaidari eta akordioari. Eta politikagintza dela arazoak konpontzeko tresnarik onena”. “Euskadi bake-bideak urratzeko une kezkagarriak bizitzen ari da, eta egoera honek alderdi politikooi eta erakunde publikoei printzipio etikoetan eta demokratikoetan irmotasunez aritzea eta gizartearekin zein beronen etorkizunarekin konpromisoak hartzea eskatzen digu”. Azkenik, EAJk bere laguntza eta elkartasuna adierazi die bai Alderdi Sozialistaren erakundeari bere buruzagien inputazioarengatik eta baita, era pertsonalago batez, Patxi Lopezi eta Rodolfo Aresi ere.