RNEk egindako elkarrizketan Urkulluk adierazi du EAJren nahia hau dela: “Ezker sozialista iraultzaileak, bere burua abertzaletzat duenak, hauteskundeetan aurkezteko aukera izan dezala eta herritarrak izan daitezela bere bozen bidez bakoitza dagokigun tokian ipiniko gaituztenak”. Aitzitik, adierazi du gaur egungo egoera polizialean eta juridikoan Alderdien Legea “nahierara erabiltzen” dela.

Batetik, “PSOE, kalkulagailua esku batean eta Legearen ezarpena bestean” jolasten ari ote den susmoa dauka. Eledun jeltzalearen zalantzaren oinarria hau da: «Udalerrietan denok elkar ezagutzen dugun Herri honetan, argi geratu da erabat legalak diren ANV-EAE sigletako hautagai batzuk inpugnatu egiten direla eta beste batzuk ez».