Tejadak hasi ditu etxez etxeko bisitak. «Gure programa aurkezteko, beren iradokizunak entzuteko eta ezagut gaitzaten.» Jada 700 etxe bisitatu ditu eta hauteskunde kanpainak irauten duen bitartean ekimenak aurrera egingo du.

«Azaldu diet oso gogor lan egin dugula lau urte hauetan eta horrela jarraituko dugula», adierazi du. Hala, Tejadak hauteskunde programaren ale bana emango dio bizilagun bakoitzari eta Abantoko gune bakoitzerako EAJren proposamen nagusiak jakinaraziko dizkio hurbil-hurbiletik.

«Gure programa zehatza eta argia da, ez dugu esaldirik saltzen, beraz, bizilagunei udalerriko herri bakoitzean egiteko asmoa dugun proiektuen eta ekintzen berri emango diet», esanez amaitu du alkateak.