2007/06/04

Urkulluk duda egiten du EAk eta EBk hirukoari lehentasuna emateko borondatea ote duten, eta PSErekin ituna lortzeak Eusko Jaurlaritzari ez liokeela eragingo uste du

EAJren EBBren bozeramaileak, Iñigo Urkulluk, duda egiten du EAk eta EBk hirukoari lehentasuna emateko borondaterik ba ote duten udal eta foru gobernuak osatzeko. Era berean, jakinarazi du EAJk lehendabizi bi alderdi horiekin hitz egingo duela, eta, beharrezkoa baldin bada, ondoren Aralarrekin kontaktuak izango dituztela, «baita PSErekin ere». Alde horretatik, sozialistekin akordioa lortzeak ez diola Eusko Jaurlaritzari zertan eragin uste du Urkulluk.