Iñigo Urkulluren arabera, Euzko Alderdi Jeltzaleak espero du “auzi hau behin betiko itxiko dela eta fiskalak ulertuko duela, gizarte honen zati handienak bezalaxe, hitz egiteko esertzea, denen artean eta denekin, talde batzuengan eragina daukan edozein alderdi, joera politiko edo talderekin, ez dela delitua”.

“Justiziaren hobe beharrez, espero dugu prozesu honen guztiaren atzean dauden bulkada politiko eta alderdikoi argiei erantzuten dieten kausak kontuan ez dituela hartzen frogatzea. Horiek ulertzen duten eta lortu nahi duten gauza bakarra da lehendakaria, hau da, euskal gizarteko ordezkari instituzional gorena, akusatuen aulkian esertzea” gaineratu du. .

“Inork ez luke ulertuko Justiziak euskal gizartearen gehiengo zabalaren nahiaren aurka egitea, ez bada lehendakari bati akusatuen aulkian argazki bat ateratzeko bulkada politikoagatik”.