Onda Vascan egindako elkarrizketan, Markel Olano jeltzalea Gipuzkoako ahaldun nagusi gisa ez hautatzea ere “ustekabe ezatsegina” izango litzatekeela adierazi du Urkulluk. “Guk maiatzaren 27ko hauteskunde gauean bertan finkatu genuen gure jarrera. Guretzat, foru eta udal erakundeen gobernagarritasunaren aurrean hirukoa berriz sortzeak lehentasuna zuen. Baina beti ere zenbakiak eta programen kontziliazioa aztertu behar ziren, eta hirukoa izeneko horri dagozkion beste alderdi politikoen borondatea ere kontuan izan behar ziren”, adierazi du.

“Arabari dagokionez, beste hainbat alderdi politikok adierazten dutenez, bereziki PSE-EEk, oraindik ez dagoela batere itxita ematen du. Gainera, epeak, Araban, pixka bat luzeagoak dira, edo Bizkaiko eta Gipuzkoako foru aldundietan baino lan egiteko aukera gehiago izango dute datozen egunetan”, adierazi du.

“PSNren eta UPNren arteko ituna Nafarroako Foru Erkidegoari eta Nafarroako gizarteari iruzurra egitea izango litzatekeela adierazi du. Izan ere, Nafarroako biztanleek babes handia eman diote Nafarroa Baiko hautagai-zerrendari, bigarren geratu baita UPNren atzetik, eta, hortaz, PSNren aurretik baitago”, adierazi du ondoren.