Urkulluk ziurtatu du «guztiz eroso» sentitzen dela Ibarretxeren erreferendum proposamenarekin. «Lehenik, proposamen horren azpian ez dagoelako erreferenduma, euskal gizarteak bere etorkizuna erabakitzeko eskubidea duela aitortzea baizik, eta hor aztertu beharko genuke Estatuko botereek zein neurritan bete duten ia 30 urte dituen lege organiko bat, hau da, Gernikako Autonomi Estatutua, baita estatu nazioanitz baten aplikazioa zer den eta nola gauzatzen den ere», esan du.

Bere ustez, proposamenaren oinarria da «euskal gizarteak bere etorkizuna erabakitzeko eskubidea duela aitortzea» eta erabakitzeko eskubide hori gauzatzeko zera eskaintzen du proposamenak, «akordio politiko bat, alderdi politikoek, gehiengoak babestutako akordio baten bidez, arazo politiko bati konponbidea eman diezaioten».