Onda Cero irrati katean egindako elkarrizketan, hurrengoa ere gaineratu du Urkulluk: «Rodriguez Zapateroren eta Ibarretxeren artean akordioa lortzea borondate politiko kontua da. Hurrengo urteko uztaila baino lehenago akordioa lortzeko beste aukera bat izatea espero dut nik».

Hala ere, EAJk eta PSOEk oraingoz ez dutela inolako hitzarmenik egin eta baikorra izateko arrazoirik ez dagoela onartu du Urkulluk. «EAJk egiten duen hausnarketa hurrengoa da: Espainiako Gobernuko presidentea, Espainiako Gobernua oso-osorik eta PSOE alderdia erabat lotuta daude uneotan oso gertu dauden hauteskunde orokorrek zein PPren dinamikak eragindako presioa dela eta», esan du EAJko bozeramaileak.