RNEk egindako elkarrizketan, buruzagi jeltzaleak alderdi horiek legez kanpo uzteari egin dio erreferentzia. Ildo horretatik, horrelako auziak hauteskunde prozesuen bezperan gertatzea susmagarria dela iritzi dio.

“Orain sei hilabete ezezkoa zena orain baiezkoa da. Hainbat ilegalizazio prozesu ikusi ditugu: ilegalizazio absolutuak, selektiboak... Orain, egoera politiko desberdina duten legezko alderdi politikoen ilegalizazio absolutuen bila goaz, itxura guztien arabera; EAE-ANVren kasuan bezala, esate baterako”, gehitu du.